Uchafbwyntiau Diweddar
CÔR CAERDYDD YN ENNILL Y DWBL!
Ar ddydd Sadwrn cyntaf Eisteddfod Genedlaethol Rhondda Cynon Taf, roedd wyth o gorau’n brwydro yn y Gystadleuaeth Gorawl Eisteddfodau Cymru. Gosododd yr Arweinydd, Gwawr Owen, gryn her i’r Côr, gan fod y tri darn hunanddewisiad i gyd yn ddigyfeiliant. Dim piano felly i helpu’r cantorion, ond un fantais o hyn oedd bod y cyfeilydd, Dafydd Huw, yn medru ymuno â rhengoedd y baswyr! Cafwyd ymateb brwd gan y gynulleidfa, ac roedd yn amlwg fod y beirniaid hefyd yn wedi eu plesio, wrth i Gôr Caerdydd gyrraedd y brig a chipio’r wobr gyntaf. Dyma’r bedwaredd tro ar ddeg i’r Côr ennill yn y Genedlaethol, ac roedd deuddeg o’r aelodau gwreiddiol dal i ganu eleni, a chwech yn cystadlu am y tro cyntaf.
Y nos Sadwrn canlynol, ar ôl wythnos brysur o ddyletswyddau eisteddfodol, bu rhaid i Gwawr adael Y Maes, er mwyn paratoi i hedfan dramor yn gynnar y bore wedyn. A hithau ar fin camu ar y trên gartref o Bontypridd i’r ddinas, derbyniodd alwad ffôn, yn gofyn iddi ddychwelyd i Faes y Brifwyl ar fyrder, er mwyn derbyn gwobr arall - sef Côr Yr Ŵyl! Tipyn o gamp wrth ystyried fod 63 o gorau wedi cystadlu’n y gwahanol gategorïau’n ystod yr wythnos, a’r tro cyntaf i Gôr Caerdydd ennill y clod arbennig yma. Braf gwybod fod y Côr, sydd wedi bod yn brysur yn canu a chystadlu ers 1992, yn cael eu hystyried fel “Y Côr mwyaf addawol o blith holl gystadlaethau corawl yr Eisteddfod yn nhyb y beirniaid”!
Yn anffodus, oherwydd fod nifer o’r aelodau wedi cael eu heintio gan Covid yn ystod yr Ŵyl, nid oedd cyfIe i bawb ddathlu’r dwbl ar y Maes.
Mae croeso cynnes i unrhyw un sydd â diddordeb mewn canu corawl, i ymuno gyda Chôr cymysg gorau Cymru! Am fanylion pellach, cysylltwch â'r Côr
CÔR CAERDYDD WIN THE DOUBLE!
On the opening Saturday of the 2024 Welsh National Eisteddfod at Rhondda Cynon Taf, a grand total of eight choirs competed in the Eisteddfodau of Wales Choral Competition. Côr Caerdydd’s Conductor, Gwawr Owen, set quite a challenge by choosing three unaccompanied pieces. No piano at hand to help the singers then, but one advantage was that their regular accompanist, Dafydd Huw was able to add his voice to support the Bassists! A very warm reception was given by The Pavilion audience, and the adjudicators were also obviously impressed as Côr Caerdydd won first prize. This was the fourteenth time for the choir to win at the National Eisteddfod, and twelve of the original members were on stage, as well as six new members competing for the first time.
On the following Saturday evening, after a packed schedule at the Eisteddfod, Gwawr had to leave early, to prepare for a flight abroad the following morning. Just as she was about to board the train from Pontypridd to Cardiff, she received an urgent phone call, asking if she could return to the Maes pronto, in order to receive another award – this time for the festival’s Choir of Choirs! No mean feat, considering that a grand total of sixty-three choirs had competed in a myriad of categories throughout the week. This was the first occasion for Côr Caerdydd to win this prestigious award. And it’s certainly heartening to be acknowledged by the adjudicators as “the most promising among all the choirs which competed in this year’s Eisteddfod” – especially considering that it’s been busy competing since 1992!
Unfortunately, by this point many members of the choir had caught the latest strain of the Covid virus, so it wasn’t possible to have a well-earned celebration on the field.
If anyone is interested in joining the best mixed choir in Wales, Côr Caerdydd is always ready to receive new members! For more details, please get in touch with the Choir
VIVA ITALIA!
Cwta dri mis ar ôl eu gwobrwyo’n Gôr yr Ŵyl yn Eisteddfod Genedlaethol Rhondda Cynon Taf, aeth Côr Caerdydd ar daith i’r Eidal, i gymeryd rhan flaenllaw yng Ngŵyl Carwyn James. Ar ôl blynyddedd llwyddiannus yn hyfforddi’r Scarlets, y Llewod a’r Barbariaid, gorffennodd Carwyn ei yrfa’n hyfforddi tim rygbi Rovigo. Mae gan drigolion y ddinas feddwl fawr ohono, ac wedi sefydlu’r Ŵyl er cof am eu harwr. ‘Roedd ganddo hefyd gariad at ganu, ac am gyfnod bu’n aelod o Gôr Poliffonig Caerdydd.
Ar ôl bore difyr yn crwydro Venice (a chanu impromptu o flaen y Basilica ar y Piazza San Marco i gynhesu’r lleisiau!) cynhalwyd y gyngerdd gyntaf yn Adria, gan rannu llwyfan gyda Chôr merched Coro Plinius. Ar yr ail ddiwrnod, cafodd y Côr gyfle i ymweld ậ’r Stadiwm ble bu Carwyn yn hyfforddi. Gyda’r nos, cynhaliwyd cyngerdd sanctaidd yn Eglwys Rovigo. Nid yn unig oedd cyfle i rannu llwyfan gyda Chôr Meibion Monte Pasubio Rovigobanca, ond hefyd y fraint o gael swper blasus wedi ei baratoi’n arbennig gan y cantorion eu hunain! Da’r hogia!
Ar y dydd Sadwrn, ar ôl cyfle i ymweld ậ Bologna, cynhalwyd cyngerdd ar y cyd gyda Corale Santa Maria Maggiore, mewn eglwys odidog yn Pieve di Cento. Cyflwynydd y noson oedd Menna Price, sy’n enedigol o Gaerdydd, ond bellach wedi ymgartrefu’n yr Eidal ers rhai blynyddoedd. Cafodd y Côr groeso anrhydeddus gan Faer y dref, ac yna gwledd arall o basta, a vino rosso lleol i’w olchi lawr!
Yn goron ar daith Hydrefol fythgofiadwy, braint amheuthun ar y Saboth oedd i’r Côr ymweld a Padua, a chymeryd rhan yn yr Offeren ym Masilica San Antonio. ‘Roedd cael y cyfle i gyd ganu’n Gymraeg a Lladin, mewn adeilad mor brydferth, yn brofiad ysgytwol, a daeth cymeradwyaeth gwresog o’r gynulleidfa.
ACCA
Am y drydedd flwyddyn yn olynol, fe dderbyniodd Côr Caerdydd wahoddiad gan yr Association of Chartered Certified Accountants i ddathlu Dydd Gŵyl Ddewi 2025 yn eu brecwast blynyddol yng ngwesty’r Hilton, Caerdydd. Y siaradwraig wadd oedd Rhian Wilkison, Hyfforddwraig Tîm Merched Cenedlaethol Cymru.
For the third year in succession, Côr Caerdydd were invited by the Association of Chartered Certified Accountants to celebrate St David’s Day 2025 at their annual breakfast in the Hilton Hotel, Cardiff. The choir sang several popular Welsh melodies, and the guest speaker was Rhian Wilkinson, head coach of the Wales women’s national football team.
Cymorth Cristnogol - Christian Aid
Braint ac anrhydedd i’r Côr oedd cael dathlu Dydd Gŵyl Ddewi 2025 trwy ganu mewn cyngerdd i godi arian i Gymorth Cristnogol, yn yr Eglwys Gadeiriol, Llandaf. Cawsom y pleser o rannu’r llwyfan gyda’r Tongwynlais Temperance Band, dan arweiniad Owen Farr. Arweinydd y noson oedd y darlledwr amryddawn Arfon Haines Davies.
Côr Caerdydd were delighted to celebrate St David’s Day 2025 in an evening concert at Llandaff Cathedral. The event was organised to raise money for the Christian Aid charity. It was a privilege for the Choir to share the stage with the Tongwynlais Temperance Band, and compere was the popular broadcaster Arfon Haines Davies.